Publicado por 
A conselleira de Política Social, Fabiola García, destacou os máis de 330.000 euros que a Xunta de Galicia achega a Provivienda para poñer en marcha iniciativas de acceso á vivenda e programas para a inclusión sociolaboral das persoas en situación de rúa. Fíxoo esta mañá nunha visita que realizou á sede desta asociación, acompañada da delegada da Xunta na cidade olívica, Marta Fernández Tapias.
Fabiola García quixo agradecer o labor que realizan entidades sociais como Provivienda nunha situación de excepcionalidade como a que está a provocar a pandemia sanitaria. Neste sentido, salientou que a Xunta de Galicia está a achegar contías récord aos colectivos que traballan neste eido.
A Xunta de Galicia puxo a disposición das entidades sociais 34 millóns de euros, dos que Provivienda recibe 330.000 euros para a inclusión residencial de persoas en exclusión social e para poñer en marcha itinerarios de integración no mercado laboral, así como formación en competencias dixitais.
1000 Tarxetas Básicas
Ademais, a conselleira de Política Social adiantou que a Administración autonómica concedeu preto de 1000 Tarxetas Básicas no municipio de Vigo para a compra de produtos básicos como alimentos ou material de farmacia.
Cómpre salientar que o importe da tarxeta depende do número de membros da unidade familiar: desde os 150 euros mensuais dos fogares unipersoais ata os 300 euros para familias de tres ou máis membros.
Provivienda leva desde o 2017 traballando en Galicia a favor de aqueles que peor o están a pasar. Neste tempo a entidade conseguiu facilitar 400 vivendas a persoas que se atopan nunha situación de exclusión social.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.