A Policía Local do Grove ten elaborado o correspondente dispositivo para dar cobertura ao desfile de Entroido que tivo que ser posposto para o 24 de febreiro. As restricións darán comezo ás 9.00 da mañá na Praza do Corgo, onde se limitará o acceso de vehículos de cara a preparar a zona de chegada de carrozas e participantes. Posteriormente comezarase a prohibir o aparcadoiro nas rúas polas que pasará o desfile e o corte de tráfico farase efectivo ás 17.00 horas co comezo do mesma e prolongarase ata ao fin do Enterro da Sardiña.

Lembramos que a inscrición dos participantes poderá realizarse a partir das 15.30 horas na Praza do Corgo (diante do Concello). Ao rematar o desfile terá lugar o Enterro da Sardiña que sairá do Corgo e realizará o mesmo percorrido para, finalmente, incinerarse na mesma praza. Logo diso realizarase a entrega dos premios do desfile na Rúa Castelao. O Concello do Grove repartirá máis de 4.000 euros en premios.

Comunicación sobre restriccións do tráfico

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.