Cultura accesible: Libros adaptados ao galego segundo os principios de Lectura Fácil

Publicado por o día 22/10/2019 na sección de Cultura,Eventos,Galicia,Vigo

Cultura accesible: Libros adaptados ao galego segundo os principios de Lectura Fácil

O Ateneo Atlántico, en colaboración coa Facultade de Filoloxía e Traducción da Universidade de Vigo e as editoriais “Adapta” e  “La Mar de Facil” dirixese a poboación para convidarlo á presentación de, “Cultura accesible: Libros adaptados ao galego segundo os principios de Lectura Fácil” que terá lugar o vindeiro Xoves, 24 de outubro, no local da Fundación ONCE (Gran Vía, 16) ás 19.30 h.

Relatores/as:

  • Elisabet Serra, codirectora da Asociación Lectura Facil.
  • Fernando Aixa e Nuria Casals, editores.
  • Lourdes Lorenza, profesora da facultade de Filoloxía e Traducción da Univ. de Vigo.

Estas dúas casas editoras, especializadas en Lectura Fácil, decidiron apostar tamén pola nosa lingua e dar así un pasiño máis na inclusión lectora, publicando no curso 2018-19 seis títulos en galego.

A Lectura Fácil era unha materia pendente reclamada por moitos centros educativos, asociación de pais e nais, clubes de lectura, etc.
O material editado seguindo os principios de Lectura Fácil (libros ou subtitulado de material audiovisual) pretende facilitar a lectura a persoas con dificultades de comprensión lectora: alumnado con trastornos do aprendizaxe (dislexia, autismo, TDAH…); persoas con discapacidade intelectual, auditiva ou visual; persoas maiores con perda de memoria; inmigrantes que están aprendendo o idioma e todos aqueles colectivos que poidan beneficiarse de textos adaptados. Todo o material así adaptado segue a normativa que prescribe a IFLA (International Federation of Library Associations and Institutions) e as recomendacións da ALF (Asociación Lectura Fácil), consolidada como centro de información e referencia da Lectura Fácil en España dende o ano 2003.

No mes de xullo “La mar de fácil” publicou o primeiro título en galego (Trampa de Lume), que foi axiña seguido por outros catro: Moito ruído e poucas noces, Cores prohibidas e Os pazos de Ulloa. “Adapta” vén de editar o seu primeiro título en setembro, O principiño, e presentará aquí en Vigo Marcus Marc e a ruta do coltán.

Esta presentación insírese nos actos da Semana Inclusiva aos que, por suposto, están tamén convidados/as:
  • Festival de Cine Inclusivo de Vigo: https://www.facebook.com/FestivalCineInclusivo/
  • Conferencia de Antonio Vázquez (Aristia Producciones) na Facultade de Filoloxía e Tradución (campus Lagoas-Marcosende); xoves 24 de 10.00 a 11.00 h. (Salón de Actos): Audiodescripción, prácticas de cine.

NOTICIAS RELACIONADAS: